 |
|
|
 |
|
|
|
Il comün nel silenzi
uossa taidla sömgiand
las anticas tarablas
cha l'ual vain quintond,
cha l'ual vain
quintond.
Minchatand il guitader
sa chanzun fa dudir,
el passa, nel silenzi
darche tot tuorn'a gnir,
darche tot tuorn'a gnir.
Eir las uras chi battan
dal clocher pac davent
ün pa tremblan nel ajer
e svanischan cu'l vent,
e svanischan cu'l vent.
Be eternas splenduran
sü nel ot stailas d'or...
che ma hast tü da batter
usche ferm o meis cor,
usche ferm o meis cor?
Muisca: Hermann Suter / Text: Peider Lansel
|
|
|
|
|
|
