 |
|
|
Las randulinas m’han quintà,
co’l muond es bel, es grond,
cun leger chant m’han invidà
dad ir ün pa girond.
Adieu meis chars,adieu ma val,
adieu meis char pajais natal.
Adieu mammetta, tegna pür
las larmas, nu cridar,
cul Segner vögl cuntaint partir,
cul Segner vögl tuornar.
Süsom Malögia giò am tschaint
a l’ur dal vegl bügliet,
guard inavo cun ögl cuntaint
sün pizza e vadret.
Baderl cul lai e cul aual
uffants da meis pajais natal,
e vers il firmamaint eu gür
ma val da nu smanchar,
cul Segner sun cuntaint parti,
cul Segner vögl tuornar.
E cur ch’ün di a meis retuorn
rivond süsom Givè
vez l’alp da Grimmels, vez il Fuorn
qua svoula meis chapè:
Salüd meis munts, salüd ma val
salüd meis char pajais natal.
Perquai, ma chara, lascha pür
las larmas, nu cridar,
cul Segner sun cuntaint parti
cul Segner sun tuornà.
|
|
|
|
|
|
